सुदूरपश्चिममा थप तीनवटा पिसिआर मेसिन ल्याउने तयारी

Mohan Singh Air
Sigas Rural Municipality- 8 

नेपाल सरकारका उद्योग, वाणिज्य तथा आपुर्ति मन्त्री लेखराज भट्टले सुदूरपश्चिममा थप तीनवटा पिसिआर मेसिन ल्याउने तयारी भइरहेको बताउनु भएको छ । सुदूरपश्चिममा कोरोना संक्रमणको पछिल्लो अवस्थाबारे बुझ्न संघीय सरकारको एक टोलीको नेतृत्व गर्दै बिहीवार गृह क्षेत्र पुग्नु भएका मन्त्री भट्टले धनगढी बिमानस्थलमा पत्रकार सम्मेलन गरी परीक्षणलाई प्रभावकारी र सहज बनाउने उद्देश्यले दुई वटा पहाडी जिल्लाका लागि र एउटा कञ्चनपुर जिल्लाका लागि पिसिआर मेसिन ल्याउन लागिएको जानकारी दिनुभयो ।

प्रदेशमा कोरोनाको असर कम गर्न तथा भारत लगायतका मुलुकबाट फर्किएका नेपालीलाई उद्यमशीलता तथा नेपालमै श्रम गर्न सम्भाव्यताबारे पनि छलफल गरिने उहाँको भनाइ छ । अन्तर्राष्ट्रिय सहयोगी संस्था युएनडिपीका प्रतिनिधिसहित संघीय सरकारको उक्त टोलीले सुदूरपश्चिममा कोरोना संक्रमणको अवस्था, चेकजाँच, जनशक्ति तथा स्वास्थ्य सामग्रीहरुको आवश्यकता, परीक्षणको अवस्था तथा आगामी दिनहरूमा चाल्नुपर्ने कदमको बारेमा स्थलगत अध्ययन गर्ने बताइएको छ ।

हरिश्चन्द्र बाग, कञ्चनपुर, २९ जेठ ।